MAEDeu02

1961-1986 (25 URTE)

1961eko ekainaren 29an, Kabiezesko jaietan, Santurtzin, Mendi Alde euskal dantza taldea bere auzokide eta bisitarien aurrean egiten du bere lehenengo agerraldia.
Momenturako, gazte horiek bazeukaten urteetan zehar auzoko parrokiako lokaletan egindako entseguen esperientzia. Entsegu horietan zonaldeko dantzak prestatzen zituzten aukeratutako datan auzoan aurkeztu ahal izateko.
1961urteko data horretatik aurrera, lehengo urte horietan, dantzaldi pilo bat egin zituen taldeak. Horrek dantzariak pozten zituen eta dantzatzen jarraitzera animatu zituen; eta nahiz eta urte zailak izan, edozein hasieran bezala, taldeak dantzari berriak lortzen zituen etengabe.
Pixkanaka-pixkanaka, taldeak oinarri sozial eta kultural sendoa eraiki zuen; modu horretara, dantza herrikoiaren bitartez, Euskal Herriako kultura eta folklorea, zailtasunak edukita ere, oso bizirik zeudela aldarrikatzeko.
Urteak pasa ziren, eta 25. urteurrena hurbiltzean, Mendi Aldeko taldekideak ekitaldi handia ospatzeko asmoz lanean hasi ziren. Antolatutako ekintzen artean emotiboena, duda barik, Kabiezes gure auzoko plazan egindako dantzaldia izan zen, non belaunaldi desberdinetako dantzariek hartu zuten parte.

Argazkiak

1986-2001 (40 URTE, 1991ko 30. urteurrena azpimarratuz)

Dantza taldeak bere 25. Urteurrena ospatu eta gero, dantzari ohi batzuk berriro dantza taldera dantzatzen bueltatzera animatu ziren. Horrela, energia berriturik, Mendi Aldek aurrera egin zuen eta erronka berriak bilatu zituen.
Erronka horien artean lehenengoa eta garrantzitsuena, dantzen errepertorioa zabaltzea izan zen; eta horrekin batera, lan eta esfortzu handiz, jantzien hobekuntza egitea.

Horrez gain, urte horietan zehar, dantza taldeak jarduera kultural handia izan zuen gure herrian, Santurtzin; eta horren eraginez, 1991eko apirilaren 18an, taldearen 30. urteurrenean, udalak Kabiezesko kale bati gure taldearen izena emateko ohorea eskaini zion taldeari.
Urte garrantzitsuak izan ziren horiek, bai egin ziren dantzaldiengatik, baita egindako dantzaldi horietako hainbat dantzaldi internazionalak izateagatik ere.
2001ean, taldeak 40 urte ospatzen dituen urtean eta Santurtziko jaiei hasiera emateko, udalak taldearenganako esker oneko ekintza bat ospatzen du: Mendi Alderen omenez oroitzapen-plaka bat jartzen du herriko kiosko zentralean.

Argazkiak

2001-2011 (50 URTE) (2011, 50. urteurrena)

Taldeak lanean jarraitzen du, eta urteetan txikien taldean dantzatu duten neska-mutilak nagusien taldean dantza egiten hasten direla da urte hauetako gertakizunik adierazgarrienetakoa.
Dantza taldearen hasieratik, beti eman zaio garrantzi handia txikien taldeari, eta gaur egungo txikien taldeak 5 eta 13 urte bitarteko umeek osatzen dute. Zenbat diren eta daukaten interesa ikusita, belaunaldi erreleboa ziurtaturik dagoela pentsatzen dugu.
2011n, taldearen 50. Urteurrenean, hainbat ekintza antolatu ziren, besteak beste: erdi aroko merkatu bat, dantzaldi bat non Torrelavegako Virgen de Covadonga eta Kamerungo ASSIKO DJAI LI BOG taldeek parte hartu zuten, Santurtzi Gastronomika saria, IV Deia Hemendik Sariak, 50. urteetako eta Kabiezesko Memoria Historikoaren inguruko argazki erakusketak, Santurtziko txosnetako eta Kabiezesko jaietako pregoia, herri bazkari bat non Mendi Alden dantza egindako lagunak elkartu ziren, etab.

Argazkiak

2011-2021 (60 URTE)

20210603-Prueba-cartel-60-aniversario-version-2

Mendi Aldek urteak daramatza gure folklore aberatsa, gure tradizioak eta ohiturak bultzatuz eta hedatuz. Aurten 60 urte ospatuko ditugu, eta gure asmoa da orain arte egin dugun moduan lan egiten jarraitzea.

Argazkiak

Previous slide

Next slide

(+34) 94 462 4823

mendialdeeuskaldantza@gmail.com